Na corte vaise levando porque todas imos ó que imos: remoer e durmir, despois de que nos muxan con xeitiño ou nos mamen sen sopexar en demasía. Que no inverno a mamite é máis doada que o gordo da lotaría.
Pero ir pacer xa é outro cantar. Todas pensan que saben o camiño, vense raíñas da corredoira e marquesas da estivada. E todas queren mandar, claro. Porque ir diante, ademais de afastarte do aguillón, fai que te sintas lideresa da manada. Líbrate de ulirlle o cu á que te precede e, cando volves, es a primeira en meter o fociño na fonte para coller auga clara...
Así que eu, despois de probar herba doutro presebe, volvo con esperanza; e preséntome como candidata.
Foto: Catel electoral da Gallarda
9 comentarios:
Ten a seguridade de que eu votaba á Gallarda e botaba á esperanza
A tua candidata debería gañar. Vaia porte que ten
Deitacheste no chan para facer esa foto? Es terrible Chousa
Biquiños
Caghiná. Non se me ocorre nada gracioso. :(
Non te preocupes Peke; que a Gallarda sabe que provoca esas situacións...
Me parece más mansa como candidata que la Aguirre, para empezar, y me inspira más confianza, ¡fíjate!
Besos:))
p.d. ¡eres total!
A Gallarda fai honor o seu nome. Tamén maneiras de lideresa, é fotoxénica. Seguramente sabe cales son os lameiros que teñen a herba máis xeitosa, e onde están as mellores leiras de nabos.
Conta pois co meu voto!!
Pior non nos iría votando pola Gallarda ou calquera outro rumiante.
E seguramente gañaríamos votando á Gallarda.
Apúntome!
bicos chousa.
Disque os famosos e roteiros 'touros de Osborne' andan desmoralizados (algúns incluso están a tratamento) e piden o exilio en terras salmantinas despois de saber da irrupción da Gallarda na vida social da nosa terra.
Publicar un comentario