domingo, 13 de novembro de 2016

Refinado

Non é nada fácil. Á consabida limpeza cómpre engadirlle bo gusto no vestir e porte no camiñar.
Imprescindible unha conversa atinada para o momento e apropiada para as circunstancias. 
En todo nin moito nin pouco; e en nada excesos nin carencias. Agasallar mesura no implícito e sutilidade no explícito. Cordial pero distante; manexando a amabilidade sen que pase de cortesía...
Cando todo iso dominas, e vas ser investido gentleman da túa corredoira, danche ganas de mexar; e escarallouse o nomeamento.

Foto: Agarrado á pirola nun recanto. Dimisión do gentleman por imperativo vesical.

10 comentarios:

Anónimo dixo...

O meu reino por unha boa mexada

Anónimo dixo...

Son o do reino mexado e volvo pra preguntar onde tiraches esa foto. Hai eiquí xente disposta a apostar

Chousa da Alcandra dixo...

Se hai apostas polo medio, á banca debería quedarlle cando menos...un 15%?

Desta vez, por ser a primeira, ímolo poñer de balde. A foto foi en Porto.

A do outro lado da xanela dixo...

Ai, amiguiño, nin que os gentlemen* non mexaran!

* Os gentlemen, as modelos de Victoria's Secret...

paideleo dixo...

Gentelman VS Porcoman.

Pedras dixo...

Ai! Estes humáns como son...

Raposo dixo...

Cando a vexiga apreta non vas andar con sutilezas. Calquera sitio é bo. Todos o temos feito algunha vez

Ginebra dixo...

Esa fotografía sí que nos habla del "momento decisivo", tanto para el fotógrafo como para el fotografiado... Supongo que el gentleman en cuestión se quedaría a gusto, como poco:)
Bicos

Anónimo dixo...

Mal está, desde logo, pero teñamos un pouco de comprensión á vista da idade do gentleman e da súa próstata.

Paz Zeltia dixo...

bueno, bueno. Xa veriamos se o gentleman tiña domeado todo iso que mencionas... (fácil non é)