venres, 22 de abril de 2016

Derrotados

Pitopá e Pitopé querían mandar no galiñeiro con estratexias de canto semellantes. Á dereita do poleiro o vello Pitorrá e mailo pico novo Pitorrí afiaban os espolóns con maneiras elegantes.
Como o curral non deixou definidas as preferencias, estiveron catro meses de porfía medíndose as cristas para demostrar a de máis valía.
As pitas mentras tanto escarabellaban con desagrado vendo como perdían o tempo medíndose dende o pico ata o rabo.
Tras días e días cacarexando que a vida das pitas saberían arranxar, foise descubrindo que o único que querían delas era podelas galar. 
Velaquí catro gañadores en decembro autoproclamados que chegaron á primavera sen plumas e totalmente derrotados.

Foto: Catro pitos.

5 comentarios:

paideleo dixo...

Para xuño algún pito acabará desplumado de todo.

Ginebra dixo...

Triste final después de tanta escaramuza... estoy pensando en dejar de comer carne de ave, francamente...
Bicos

peke dixo...

Se cadra é que eran capóns. ;)

Uol Free dixo...

Ao final, os vencidos somos nós :-(
Que os galos seguen a lanzar o seu kikiriquí en calquera outro curral.
Bicos

Paz Zeltia dixo...

A foto dá arreguizos, pobres capóns, e que pouco me compadezo deles cando os teño no prato.

Deses outros capóns dos que falas, xa me compadezo menos! Coa ilusión coa que fora eu votar da última volta! :(