Aínda sentindo os ruídos de copas que estalan, do tecleo reiterado de palabras doces acompañadas de imaxes picantes, de uvas vasectomizadas devoradas ao son metálico de badaladas que non chamaban á misa; voltamos aos aparellos da normalidade.
Volverá ser o mar bravo o que nos chimpe na cara salpicaduras de realidades e haberá algún anzol rebuldeiro que se nos espete nos dedos.
Iso si; seguiremos percibindo a ledicia cada vez que sintamos que se nos tensa a sedela.
Foto: Peixaría con barra libre. Boa pesca para o 2014!
15 comentarios:
Con que veña con ben eu xa me conformo. :)
Proveitosa pesca e calma singladura para este ano que comenza!
Pois que piquen, Chousa, que piquen!!
Feliz 2014!
Saúde, diñeiro e amor...será moito pedir? Mentres, brindemos polo que temos!!
Bicos con Ledicia, Sr.Chousa e os meus mellores desexos.
Pois sí, que haxa boa pesca.
Bicos!
Que sigamos abraiándonos coas cousas pequenas,coa nosa rutina diaria, que sigamos tendo fe nas persoas- aínda que nestes tempos que corren non sexa doado- que pesquemos ledicia, saúde, optimismo....
biquiños chousa.
Vou ter que ir ó psicólogo, porque non é normal que perciba sensualidade na última frase do teu texto, verdade?
Ir ó psicólogo ou comer máis chocolate.
E logo diso xa poderei voltar á normalidade.
Feliz aninovo
Bicoss
Amigo Chousa, non adiantes acontecementos. Déixanos vivir sen dedos espichados por anzós ata despois de Reis polo menos.
Después de tanta fiesta, no hay nada como la tranquilidad de un día de pesca. ¡¡Feliz año!!
Fermoso o anzol, xa piquei, velaquí estou desexándolle un felicísimo 2014. Saúdos.
Pois que se tense a seda no 2014! Bicoss
E seica tocou a loteria en Antas. Xa nos diras se na chousa caeu algo
Seguiremos alimentando
a paciencia.
Un feliz ano cheíño de ledicia.
Bicos e apertas
A lotería que tocou aquí é a de continuar véndovos vir pola Chousa, alimentando ledicias, tensando as sedas, vendo fermosos anzós, buscando tranquilidades, vivindo o Carpe Diem, percibindo a sensualidade, abraiándose coas pequenas cousas, desexando boa pesca, brindando polo que se ten, incitando ás peixas a picar e buscando singladuras en calma...
Que máis lotería se pode pedir, damas e cabaleiros?
Sigamos xogando!
grazas polo desexo. pescar nesta vida xa é bo... non digamos se por riba pican!
Publicar un comentario