martes, 17 de maio de 2011

Lingua

Emerxes da nube dos meus miolos, flues doce e garimosa balanceándote nas cordas vogais ata mergullarte no meu cuspe salino para acentuarte na curvatura dos beizos, sacándote para fora e invadindo de máxica fermosura o son do ar que me rodea. Cumio da metamorfose dunha idea que xa é palabra. En galego pensada, en galego dita, en galego escriturada, esculpida, pintada ou musicalizada.
E unha vez pronunciada, nin anclada nin a deriva, sigue sempre rulando dende o país dos mil ríos polo mundo dos mil mares. Provocándome ledicias por terte, por saberte, por pronunciarte, por escoitarte, por amarte. Nesa espiral prepositiva faste viva, presente, real, esdrúxula; sabendo que compartes unicamente coa terra que piso e coa muller que me deu o ser, o nobilísimo e venerable título que ninguén mais ostentará nunca para min: nai.

Foto: Que rule mil primaveiras máis, e despois xa falaremos!

31 comentarios:

susana moo dixo...

Joder Chousa, entre a música e a poesía, emocionáchesme. Cantísimo queres á lingua. Pois que rule, ainda que so sexa para que esteñas contento.
Que teñas un bo dia ( e unha boa noite).

Anónimo dixo...

Hermoso tributo a la lengua gallega en su día. Enhorabuena por el artículo.

Carlosm dixo...

Moi emotivo Chousa. A lingua galega medra contigo (e ti medras com ela que bem che se ve). Que rule!!!!. Saudos.Carlosm

Trasno dixo...

Esto e unha verdadeira cantiga na honra da lengua galega. Mil primaveiras mais para ela e mil parabens para ti por condensar tantas emocions dun xeito tan fermoso que toca a fibra de quen ama o galego. Unha aperta no dia das Letras.

SoO* dixo...

Fermosísimo.
Un saúdo agarimoso.

Filoxera dixo...

Esclarece-me lá: o que significa "nai"?
Beijos.

A nena do paraugas dixo...

Chousa, acabas de emocionarme. Iso é bastante fácil de conseguir, cando se trata da Lingua, pero acostumada ao dobre xogo que con ela fas a cotío (niso eres un verdadeiro mestre), deixáchasme sen palabras con esta fermosa homenaxe á NAI.
Parabéns e que sigas gozando da Lingua, con Lingua.

Tamén bicos, na Lingua e con Ela.

busto.agolada dixo...

Vaia a miña aperta nesta xornada tan oportuna para reivindicarnos e orgullercermos no sentimento matrio da lingua. Fermoso texto, digna homenaxe para unha causa tan nobre.

Chousa da Alcandra dixo...

Graciñas por emocionarvos comigo.
Filoxera: nai= mãe
Bicos

Dilaida dixo...

Só alguén que de verdade ame e sinta a Lingua pode ser quen de escribir algo tan fermoso coma o que ti escribiches.
Bicos

elvira carvalho dixo...

Quem dera que no meu País os homens de chefia amassem assim a língua`portuguesa e não andassem com acordos que deturpam e tiram sentido à mesma.
Um abraço

São dixo...

Que pena não ser contagiosso esse amor pela língua aqui tão fortemente exposto...e que chegasse a determinadas criaturas que acham poder tudo!!

Bicos

Harmonía dixo...

Unha moi completa, fermosa e emocionante dedicatoria á nosa lingua, Chousa!!
Que rule, que siga rulando!!!
Unha aperta.

xenevra dixo...

Pois dito está. E eu contigo!!!
bicos con lingua nai

mariola dixo...

E custodiada por ti!
Noraboa por este texto tan fermoso.
Non poderías dicilo mellor.
Que impregne sempre a nosa pel e os nosos sentimentos, que rule para facerlle honra e que nos deleite sempre con palabras tan fermosas e profundas como ten.
Que bebamos sempre dela, que non esquezamos de onde vimos, que non esquezamos que igual que unha nai dounos a vida sen esperar nada a cambio, que está ahí e sempre estará, que rule e chegue ben lonxe e ben cerca do noso corazón.
un bico que recorrerá uns cantos quilómetros cara Antas.

mariola dixo...

Diexeime levar pola emoción e faltoume dicir que o vídeo de "Lingua minoritaria" encantoume.
Un bico.

Aniña dixo...

Parabéns

Aniña dixo...

solo sé decir cuatro cosas en gallego... por eso soy asi de escueta...
un besito

Bolboreteira dixo...

Tremendo!!!! que fermosas verbas e de que fermosa maneira escritas.
Maravillosa entrada dedicada a nosa lingua nai, a que merece ser ben tratada e ben querida.
biquiños!

Kaplan dixo...

Non se pode dicir mellor, aínda que si máis alto. Berremos, pois, para que o saiban todos!

Isabel - Frabisa dixo...

Un homenaje precioso, Chousa, te has lucido ehh, te felicito, me encanta.

biquiños galegos

mariajesusparadela dixo...

Fermosisimo, Chousa, propio de vostede.

zeltia dixo...

Eu tamen celebrei o dia das letras galegas dunha maneira emotiva, como tí con este post teu levándonos a eses enlaces a espabilar a conciencia a envolvernos na música linda... e ata a rirnos un pouco.

Moi ben, Chousa: que rule.

Raposo dixo...

Fermosas verbas para a nosa fermosa lingua. Que rule, que rule!!!

Pitima dixo...

Emotivo e precioso...

E eu que me sinto tan torpe cada vez que a uso (a esdrúxula língoa, que tiña que ser llana.. "Galego".. doado de disfrutar e vivir...)

Pero xa menos torpe...

Péscame ese bico nin anclado nin á deriva... rulando entre nós o agarimo e a emoción de sentirmos galegos.

E non só o 17 de maio...
Tódolos días.

Marisa dixo...

Verdadeiramente levas a nosa
lingua prendida do corazón
so equiparable a esa nai
que nos deu o ser.
Grazas por ser como tí es.

Bicos e apertas.

rula dixo...

Fermosísssimo Chousa,non se pode dicir máis.

Merce dixo...

Pode ser que nunca leera tan fermosas palabras adicadas a nosa lingua, pode ser.

Non se podia decir nin sentir millor.

Aplaudiriate emocionada :)

Bicos a moreas!!!

Chousa da Alcandra dixo...

Non deberíades chufarme tanto. Hai risco de que o crea moito e tamén de que algúns amigos confirmen aquelo que se di dos comentarios entre blogueiros: que hai moito ch. de p.

Polo demáis non teño obxeccións. :-)

Aldabra dixo...

saéche o amor á túa "nai" polos catros costados...

canta paixón nas túas verbas!, como sexas así en todo... je je je, medo me das...

ben, esto é un guiño divertido... o tema que expós é serio e fermoso para os que o sentides dese modo.

ollo, eu tamén quero a nosa lingua pero non do mismo mado, esa é a verdade, admírovos.

biquiños.

P.d.: claro que cando estiven en SOS saquei a foto sentada no regazo de Berlanga, faltaría mais.

Anónimo dixo...

Un excelente canto á lingua galega.Parabéns