xoves, 31 de outubro de 2019

Picouta

Coa présa da urxencia, aceleramos a velocidade que nos move nesa cadencia espiraliforme dunha cotidianidade apremiante. Semella que todo ten que estar dispoñible para onte, asumindo que aínda así chegaremos tarde á aira das esixencias na que temos que mallar mollos non seiturados con fouciños pendentes de se fraguar...
Esta recalcitrante aleivosía por apurar os procedementos levounos a pensar que se podían acelerar os resultados. E os resultados acelerados son, damas e cabaleiros, unha trapallada.
Todo o contrario do que segue acontecendo de maneira cotiá ao noso redor; así, como cada tempada, a natureza anúncianos -coa pauta axeitada- que xa é outono na Picouta.

Foto: Cara o muíño da Picouta (Antas de Ulla)

1 comentario:

Alís dixo...


Todo ó seu tempo, ainda que os tempos anden revoltos.

Nove mulleres non fan un fillo nun mes.

As primeiras liñas chegaron a agobiarme. Será porque últimamente decidín andar máis amodo, cada día ten o seu afán e eu preciso ir madurando, como o outono ou a primavera que por aquí estoupa.

Bicossss, pausados